October 16, 2012
Kei te whakaiti te Kāwanatanga i ngā whakataunga tiriti e pa ana ki ngā ngahere
E mea ana te Roopu Rangatira-a-iwi i whakatūria ai e te Kāwanatanga hei wananga i ngā ahuatanga ō te kaupapa hoko waro, arā Emissions Trading Scheme, kei te whakaiti te Kāwanatanga i ngā whakataunga tiriti e pa ana ki ngā ngahere, i roto i tā rātou kaupapa hoko waro.
Kua tuhi reta tumatawhanui te toihau ō te roopu rangatira-a-iwi nei, ā Apirana Mahuika, ki te Minita i ngā take āhuarangi, ki ā Tim Groser, e tino whakahē ana i te mahi ā te Kāwanatanga me tā rātou aukati i te hiahia ō ngā umanga ō Aotearoa ki te hoko hua waro, arā, carbon credits, i tarawāhi.
Hei tā Mahuika, e toru tekau ōrau ō ngā ngahere ō tēnei whenua, no te Māori, engari, i tēnei wā, e iwa tekau miriona tāra noa iho te uara, ā, no te Kāwanatanga te hē i pera rawa ai te iti ō te uara.