July 01, 2024
Tipene Kapa-Kingi | Hauora o te tangata, rauoratanga o te reo ki Mātātoa
![Watermark](/wp-content/uploads/2021/05/logo-4.png)
![](https://waateanews.com/wp-content/uploads/2021/12/matatoa-crossfit-comp-2022.jpg)
Ko te hauora o te tangata me te rauoratanga ō tō tātou reo rangatira ngā paiaru matua o te whakataetae nakawhiti a Mātātoa.
Koia nei te tuatorutanga o te whakataetae ā hei tā tētehi o ngā kaikōkiri o te kauapapa a Tipene Kapa-Kingi, e hūrō ana rātou ngā kaiwhakahaere i te angitū o Mātātoa.
I tū a Mātātoa ki Tāmaki Makaurau, ā hei tā Kapa-Kingi, kua tupu, kua rea te kaupapa i ngā tau me te aha he 150 ngā kaiwero i kuhu ki ngā mahi i tēnei tau.
Hei tāna anō, ‘ Ehoa, ka nui te pai. E ao te kaupapa, e ao te noho tahi i runga i te whakaaro e mau nei te pepeha o te kaupapa, ko te reo kia rauora, ko te tangata kia hauora, ā koia tēnei tā mātou e whai ana. Ana ko te whakatinana o tērā kōrero ana ko tēnei whakataetae a Mātātoa.’