November 29, 2023
He tākoha $6 miriona ki Gumboot Friday
Mā te $6 miriona tāra ka utua te 40,000 hui mā ngā tamariki ki ngā kaitohuora. Koia nei te kī a Mike King, nāna ngā rōpū Gumboot Friday i whakatū, whai muri i te kī a te Pirimia hou, a Christopher Luxon o te pāti Nāhinara, ka tukua taua pūtea ki te rōpū ia tau, ia tau o tana kāwanatanga.
I tā mātou hōtaka parakuihi a Paakiwah inanahi rā, i whāki a King i te wā o te whakatairanga pōtitanga, i oati a Luxon mēnā i eke ia ki te Whare Mīere, māna te pūtea e tuku. He whakapono kore a King, nā reira tōna ohorere hoki kia kite atu i te pūtea ki roto i te whakaāetanga o te kāwanatanga haumi o Nāhinara, ACT me Aotearoa Tuatahi.
E ai ki a King, i tēnei wā, kei te utua te 3,400 hui kaitohuora ia te marama mā ngā tamariki i raro iho i te 25 tau te pakeke, heoi, he wero tonu te whai pūtea ki te āwhina i te katoa e raru ana.