November 28, 2023
He karanga ki ngā rangatira o āpōpō
Kia hiwa rā, e ngā taitamariki o Rotorua! Kei te rapu te Kaunihera o Ngā Roto o Rotorua i a koutou e hiahia ana ki te whai wāhi atu ki te whanaketanga o tō koutou rohe.
E ai ki te koromatua o te kaunihera, a Tania Tapsell, kei te rapu rātou i ngā rangatahi ki waenga i te 15 tau me te 20 tau te pakeke ki te hono atu ki tētehi Kaunihera Taiohi ki te kōrero i ō rātou tirohanga hei kai mā ngā kaikaunihera.
Hei tā Tapsell, he mahi tēnā mā ngā taiohi e ngana ana ki te whanake i ō rātou pūkenga hei tātāriki, ki te tiaki i ō rātou hapori.
Hei tā Tapsell anō, ka pā ngā whakatau ā-Kaunihera o ēnei rā ki te hunga rangatahi ā ngā tau kei te heke mai, nō reira me whāi wāhi rātou ka tika ki te mahi whakamahere o nāianei.
Ka kī tonu a Tapsell e rua ngā tau i noho ia ki te Kaunihera Rangatahi, ā, nā runga i ana wheako i aro ai ia ki te mahi kaunihera.
Mō te roanga ake o te kaupapa, tirohia te pae tukutuku a te kaunihera.