July 13, 2023
Matariki ki Ruatoria
Ko te hui Matariki o Ruatorea he kaupapa e whakakotahi ano ai i te hapori whai muri i ngā marama maha nei o te waipuke.
Koia te korero a te māngai whanau oranga o te runanga o Ngati Porou, a Cherie Mangu mō tō rātou kaupapa ka whakahaerehia ki Uepohatu mai i te tekau karaka i te ata nei.
Hei tā Mangu, ko te kaupapa matua ko te whakawhanaungatanga.
“Ka tū tētahi kaupapa Matariki ki Ruatōria arā ki Uepohatu. Ko te kaupapa tino matua me kī, ko te whakawhanaungatanga, ko te whakakotahi i ngā whānau, ngā hapori, nātemea mō te nuinga o tēnei tau, nga marama e ono e whitu pea kua taha ake nei, me kī kua noho mātou i roto i te tūāhuatanga o te waipuke.”