April 19, 2023
Kāore anō te 40% o ngā pepa kaute Māori kia whakakīia
Nō te Rāhoroi whakaputa ai a Tatauranga Aotearoa ngā raraunga mō te kaute ā-motu i tū i te Maehe, ā, hei tāna, e 4,200,000 ngā tāngata kua whakakīia ā rātou pepa.
Hei tā te Pouarahi Māori o Tatauranga Aotearoa, hei tā Atawhai Tibble, ko te mate nui he 20% tonu o te motu kāore anō kia tuku i ā rātou pepa, ā, 40% hoki o Ngāi Māori kei te noho pēnei tonu hoki.
“Engari i tēnei wā tonu nei, mō te 10 tāngata Māori o Aotearoa, tokoono noa iho ka whakakīkī haere i ngā pepa nei. Tokowhā kei te toe tonu. E hika mā, nō reira, ko tāku ki a koutou, he inoi tēnei ki a koutou, whānau mā. Kia kaha koutou ki te whakakīkī haere i ō koutou pepa. Hei aha? Hei oranga mō tātou.”