June 17, 2024
Tōrangapū | He 480 ngā kōhanga reo, ā, he $25,000 hei whakatika i ia whare
E kore e ea ngā nama whakatika i ngā kohanga reo katoa i te $12miriona tāra.
Koia te kōrero a te māngai ki te tari ā-motu o te kohanga reo a Tahuri Tumoana, me tana whakapae ka pau katoa te putea rā i a rātou.
E $25,000 tāra te wahi ka haere ki ngā 480 kura kōhungahunga me i whakawehe ōkawa te pūtea rā.
Hei tā Tumoana, kāore anō kia whakatau i tēnei wā, he aha te nama mutunga.
“Heoi anō, ko te wairua kī ana, ko te wairua kī ana, i ngā taonga tuku iho, e kī ana i te whanaungatanga, e kī ana i te aroha, e tupu tōtika ai, e tupu pakari ai wā tātau tamariki ki tēnei ao. Nō reira, ko te pūtea e kore taea pea e mātau te kī, he aha nei te rahi, i te mea kei te hiahia mātau ki te whakahōu i wā tātau nei kōhanga reo katoa.”