May 09, 2024
Kapa Haka | Me tūpato ngā kapa whakataetae ki ngā kapa ngahau!
Ko taku piki amokura nōku, ko tōu piki amokura nōu.
Koia te kōrero a Te Ua Tūmoana, tētahi o ngā kaiwhakahaere i te kapa ngahau o Te Aroha o Ngā Tūmanako mō te tū ā ngā kapa ngahau i te Rātapu, i muri ake i ngā kapa whakataetae.
Ko ngā kapa o Taumata o Apanui, me Te Pae Kahurangi ēnā i tae ngahau atu, ā, i eke atu hoki ki Te Matatini. Hei tā Tūmoana, kua kitea te tauira nō reira kia rite ko yte rite.
“ko te mea kē kia tūpato i te mea kua kite au i ētahi o ngā kapa ngahau me he kapa whakataetae kē, engari kāore au i te rata ki te whakawehewehe i ngā mea e rua i te mea kāore he hiahia kia tae noa mai ētahi ki te mātaki i ngā whakataetae ka kore tae atu mō ngā kapa ngahau. Kāore ko mātau engari he maha ngā kaumātua, kuia ka tū, ngā mana whenua o taua wāhi ka tū hei tautoko i aua kapa whakataetae e whai wāhi ai te tokomaha ki Te Mataini.”