May 09, 2024
Adrian Wagner | Katahi rā te tangata ko Willie Hona
He korokoro tuī, he tangata pūkenga rau o te ao waiata, e auē ana i tōnā rirohanga atu.
Koia ngā kōrero i puta i a te mema o te rōpū kaiwaiata a The Wagner Brothers a Adrian Wagner nō muri mai i te matenga atu a te kaiwaiata o te pēne Herbz a Willie Hona.
He uri nō Hokianga a Hona, a hei tā Wagner, ka pohara tōnā iwi i tōnā matenga atu.
I te inanahi i hoki atu te tūpāpāku o Hona ki tōnā ūkaipō ki Pā Te Aroha Marae ki Whirinaki tae noa ki tōnā rā nehu a te 14 o Mei.
‘Hoki atu ana ngā mahara ki tēnei tangata ki a Willie me taku tino aroha, kua kī ana te ngākaua ki te aroha i taku rongona kua hinga tēnei tangata. He kaipūrei rakuraku, kaiwaita hoki tēnei tangata a Willie Hona me taku tino mīharo hei te wā i ā ia i roto i te rōpū Herbz. E hia nei ngā tāngata kua kuhu mai ki te rōpū Herbz, ēngari ko ia tētehi o ngā tino kaiwaiata i te wā i ā ia.’
E te rangatira, moe mai rā.