April 18, 2024
Kingi Kiriona | He kapa hōu ka tū ki ngā whakataetae kapa haka ā-rohe o Tainui
Neke atu i te kotahi mano tāngata ka eke i te papatūwaewae o Tainui Waka, mō te whakataetae kapahaka ā-rohe ka tū ki Kirikiriroa ā te wiki e tū mai nei.
E 30 ngā rōpū ka tū i te whakataetae nei, koia te whakataetae nui rawa o ngā rohe, ā, hei tā te kaiwhakahaere i te kapa o Te Iti Kahurangi, hei tā Kingi Kiriona, e rua ā rātou kapa i tēnei tau.
Hei tāna, ahakoa te nui o ngā mahi te whakahaere i ngā kapa e rua, kua tata tutuki i a rātou te whainga nui, kia tū ki ngā whakataetate nei.
‘Nō mātou te waimaria te rorirori rānei te whakatū kapa anō mātou, nō reira he hoa o Te Iti Kahurangi ana ko te Pae Kahurangi tērā, nō reira e rua ngā kapa o Te Iti Kahurangi ka tū ki te whakataetae ā-rohe i tēnei tau. Ko mātou ngā kaiako o ngā kapa e rua. Koinā au e kī nei nō mātou te hōnore, nō mātou te waimaria ēngari nō mātou hoki te rorirori te whakahaere i ngā kapa haka e rua.’