April 16, 2024
Kaunihera ā-rohe | Me pūkōwhai te wai he aha rānei?
Ko te āhua nei ka riro mā ngā iwi rawakore te nama e utu e pūkōwhai ai te wai ki ngā takiwā o Te Hiku o te Ika.
Koia te kōrero a te kaikaunihera o Te Hiku o te Ika a Hilda Halkyard-Harawira, i muri i te hui ā-hapori i Kaikohe inanahi kia whakatōmuri i te rere o te pūkōwhai ki ō rātau wai.
Hei tāna tonu, kua tohutohu mai te kāwanatanga kia pūkōwhai ai te wai, engari kāore he pūtea e ngāwari ai te utu i te nama e $6 miriona tāra te nui.
“kīhai te kāwanatanga i homai he moni hei mahi tēnei momo mahi. He wāhi tino pōhara mātau o Te Tai Tokerau. Nō reira kei hea tēnei pūtea? Horekau he pūtea. Tuarua he tino koretake, e kore e pai te wai, ngā wai i roto o Tai Tokerau ngā wai inu. Nō reira, ki a au mā te kaunihera e whakaarohia me pēhea ka whakapai i te kounga o te wai.”