April 15, 2024
Teina Boasa-Dean | Mā te wānanga o Hui Hihiri ka puta ko te ao mārama
Tāmaua kia oti, tāmaua kia ea, kua ea. Tāmaua kia hihiri ōa!. Koia te momo o te Hui Hihiri e haere ake nei.
He wānanga ipurangi, hei tā tētehi o ngā kaikōrero o Hui Hihiri, hei tā Teina Boasa-Dean, he tino motuhake te wānanga me tana whai kia whakatinana i ngā whakaaro o te tangata i tēnei ao hōu e ora nei tātou.
Hei tā Boasa-Dean, ka wānangahia e Hui Hihiri ngā take mātauranga e rapu ai kia pēhea te tūhono i ngā take mātauranga Māori i te horopaki 2024.
Anei āna kōrero, ‘ ko te wānanga, koia te momo huihui nē? E rata katoa mai ai, e muia katoa mai ai, tō tāua rahi, ki te kimi i te mōhio, ki te rapu i te mātauranga, ki te whakahuihui mai anō hoki te whakaaro o tēnā, o tēnā, o tēnā. Nō reira, ko te hui hihiri nei nā, mē wānanga tātou te Māori kia whai wāhi tātou kia tātou anō ki te tohatoha whakaaro, ki te tohetohe whakaaro.’