April 10, 2024
Pania Tahau-Hodges | Ko te tuakiri Māori kei te pūtake o tō rātou tohu whakahirahira
Mā ngā pukapuka a Wharetā o Huia e whakawhanake i te tuakiri o ngā kōhungahunga Māori.
Koia te kōrero a tētehi o ngā kaiarataki matua o te kamupene a Pania Tahau-Hodges nō muri mai i tō rātou whiwhinga ki te tohu kaituhi pukapuka tamariki o te ao ki te kaupapa o Bologna Children’s Book Fair.
E hikaka ana ngā kaimahi o te kamupene i tēnei o ngā tohu, ā hei tā Tahau-Hodges, ko te hāpai i ngā āhuatanga o te ao Māori tētehi o ā rātou aronga matua me te aha ko te whakawhanaketanga i a Ngāi Māori te whāinga nui.
Hei tāna anō, ‘i ahaa e tamariki ana, kāhore e kite i ērā momo pukapuka. Ko ngā kiripūaki o roto i ngā pukapuka ko te kiri mā, he Pākeha. Nā reira, koira tētehi whāinga o mātou o Huia, kia kite ā tātou tamariki i ā rātou ki ngā whārangi o ngā pukapuka nei, me te hāpai hoki i ngā wawata, ngā moemoeā o ngā iwi Māori.’