April 08, 2024
Ngā Kākāriki | Me whakarongo te kāwanatanga ki ngā kaipūtaiao mō te mewaro
Kāti te makarauna, mahia ngā mahi e hāpai i te whakarauora o te āhuarangi, e ora nei tō tātou ao.
Koia te whakahau a te mema rārangi o Ngā Kākāriki a Teanau Tuiono, i te kopou a te kāwanatanga i tana kāhui motuhake e arohaehae ana i te mewaro e whakamahana ana i te ao .
Hei tā Tuiono, kua tae ki te wā, e tīmata ngā mahi nā ngā rangahau a ngā pūkōrero mō tēnei take, arā, ngā kaipūtaiao.
“Me pēnei ana te kōrero, kua arotakehia tēnā arotake, kua rangahau kē ngā rangahau, kua kōrero kē ngā kōrero kua tae ki te wā mō te mahi. Kia mahi anō te mahi. Ko tēnei kāwanatanga he koretake noa iho kāore rātau e tino rata ana ki ngā kōrero o ngā kaipūtaiao i te me akua reiti rawa ngā mahi, kua reiti rawa o rātau kaupapa here. Ko te mea nui kia kaha tātau katoa me tēnei kāwanatanga hoki ki te tiaki i te taiao kia tiki i te whenua.”