April 02, 2024
Napa Otimi | Waihōtia tō tātou tūpuna maunga!
Ahakoa te uauatanga, ka tū māngai tiaki taiao ngā uri o Ngāti Hako mō tō rātou tūpuna maunga a Te Rae o te Papa.
Koia ngā kōrero i puta i te kaumātua o te iwi a Napa Otimi whai muri i te whakataunga a te Kōti Taiao kia kaua rawa e whakatūria tētehi wāhi para ki te rae o te maunga ki Waikato.
Hei tā Otimi, ahakoa ko wai te rōpū e hiahia ana te whakararu i te taiao, he pakanga ko te haere kia tiaki i a ia.
‘I te whakaaro nui mō tātou ki te whawhai tonu mō ake tonu atu, ahakoa te take e pā ana ki tō tātou taiao, kei te whawhai tonu. Kei te whawhai tonu ki roto i te kōti teitei o te motu, kei te whawhai tonu tātou ki ngā kaunihera ā-rohe, me te kamupene e hiahia ana ki te whakatakoto tonu etahi o ngā paru mai i ngā tōpito o te motu ki roto i tō tātou kuia a Rae o te Papa.’