March 20, 2024
Te Matatini | Ko te wawata kia rima ngā kapa ka whakakanohi i Te Tai Tokerau
Koia nei pea te wā tuatahi ka kite i ngā kapa e rima e whakakanohi ana i te rohe o Te Tai Tokerau ki Te Matatini.
Koia te kōrero a te heamana o Te Komiti Ahurea o Waitangi a Blake Ihimaera, i mua i te ekenga a ngā kapa haka ki te papa tū waewae ki Whangārei ā ngā rangi whakatā e kainamu mai nei.
Hei tāna, ko te wawata kia nui rawa te rongo o Ngāpuhi nui tonu ki te whatarangi haka.
Hei tā Ihimaera hoki, “18 ngā tīma kua whakatūria te ringa mō te take kia nui ake te nama o ngā tīma ka whakakanohi i Te Tai Tokerau i roto i Te Matatini ka tū ki roto i Te Kāhui Maunga ā te tau e tū mai ana. Nā reira ki taku mōhio koianei te tira nui rawa o Te Tai Tokerau e haere atu ana ki Te Matatini i tēnei wā tonu tokorima ngā tīma ka haere atu e whakakanohi ana i Te Tai Tokerau.”