March 18, 2024
Whakaata Māori | Ko wai te kaihautū kawe pūrongo hōu?
Kua tohua e Whakaata Māori te uri o Rāhiri, te tamāhine o Te Tai Tokerau hei hiki i te mānuka hei kaihautū kawe pūrongo hōu ki taua whare pāpāho.
E ai ki ngā kōrero hei āpōpō kopou ai a Blake Ihimaera ki taua tūranga hōu, waihoki kua roa ia e hāpai ana i ngā mahi pāpāho i te tari o Te Māngai Pāho.
Hei tā Ihimaera e hiamo ana ia ki te kōkiri i ngā kawe pūrongo a Whakaata Māori, ka mutu kia kaha te puta i ngā pūrongo i ngā iwi, i ngā rohe anō hoki rā.
E ai ki a Ihimaera, “ka mutu e hikaka ana kia tūhono i ngā kaupapa o ngā rohe ngā kaupapa o ngā iwi ki tō tātau whare hei aha hei whare whakaahuru me kī i ngā kaupapa i roto i ngā take o te wā ka mutu ki te whakatairanga i ngā hiahia i ngā kōrero i ngā kawe kōrero me kī ngā pūrongo o te wā ki ngā iwi ki ngā hapori Māori nō reira koiarā pea ētahi o ngā whāinga nui.”