March 12, 2024
Chad Chambers | He ngahau mō te kotoa o te whānau!
Ko te wawata o te konohete a Marae Tour kia hīkina ake te wairua o ngā hapori Māori ki ō rātou ake pā.
Koia te kōrero a te kaiwaiata a Chad Chambers mō tāna kaupapa whakahirahira i tīmata i te mutunga wiki ku’ pahure ki Tokomaru.
Ka rere haere a Chambers ki ngā marae rerekē kei te takiwā o tōnā ūkaipō o Te Tai Rāwhiti, nā hei tāna ki ngā whānau ka tae atu, kaue e haria mai ngā mea e whakapōrerorea ana i te tangata pērā i te waipiro, me mau ki ngā āhuatanga hauora.
‘E whitu ngā marae, e whitu ngā rā, e whitu ngā ngahau kei te tuku ki ngā whānau o Te Tai Rāwhiti nei. Ko te hirahira o tēnei kaupapa kia hoki mai tātou ki te marae mō ēnei momo whakangahahu, anō hoki, he wāhi pai, he wāhi tika, he wāhi ao Māori, he wāhi ā tikanga. Anō hoki kei te whakaaro au mō ngā whānau kia hāpai i te oranga me te hinengaro, me te wairua hoki, kia kore ai e mau mai ngā hikareti me ngā hikareti ā hiko me ērā momo mea.’