March 06, 2024
Kura Te Ua | He kaupapa toi whakaari te wānanga o Tūmata Kōkiri
Ka tū te wehiwehi, ka tū te wanawana, ka tū te māramatanga toi whakaari ki ngā tauira o Tūmata Kōkiri.
He kaupapa whakarewa nā te kamupene toi whakaari Māori o Hawaiki Tū, e tūtu ai te wairua o te rōpū me ana tini āhuatanga ki ngā hunga kaingākau ki te ao kapa haka.
Hei tā te Kaiarataki i Te Whare o Hawaiki Tū, hei tā Kura Te Ua, e aro ana ngā akoranga nei ki ngā āhuatanga o Tāne Rore me Hine Te Rēhia.
Hei tāna anō, ‘he whare o Te Whare o Hawaiki Tū, he whare whakawhanake, he whare whakarauora, whakahihiko i te wairua o te tangata. Mā te reo nekeneke o ngā moana nekehanga o Hawaiki Tū tērā e arahi. Hei te mutunga o te rā ko te orangatonutanga o tō tātou iwi Māori o rangatahi anō hoki.’