February 29, 2024
Ngira Simmonds| Kei te whakarite mai a te Kīngitanga i ngā Hui ā-motu e rua anō
Ākuanei ka rere te Kīngitanga ki Te Waipounamu me Te Tairāwhiti ki te whakarite mai i ngā hui ā-motu hei matapaki i te mana motuhake o te iwi Māori.
Koia ngā kōrero a te māngai o te Kīngitanga a Ngira Simmonds, i muri mai i ngā hui ā-motu e toru kua tū kē ki Tūrangawaewae, ki Rātana me Waitangi.
Hei tāna anō, taihoa ake e te iwi ākuanei ka whakamanahia e ngā mana nui nei ki whea, ā, āwhea hoki tū ai ēnei hui e whakakotahi i te iwi Māori katoa.
E ai ki a Simmonds, “hei ēnei rua wiki ka haere atu au ki runga o Te Waipounamu i te kōrero ki ngā rangatira o Ngāi Tahu otirā o tēnā takiwā te āta whakarite mō te hui ka tū ki konā taiho ake ka rongo hei āwhea te rā ka kōrero anō mātau o te Kīngitanga ki ngā tini whanaunga o Te Tairāwhiti e tino hiahia ana a Kīngi Tūheitia ki te whakatū ēnei huinga.”