February 19, 2024
Tukuroirangi Morgan | “mai i te tau 1995 kāore anō kia rerekē te āhua”
Mā te arohaehae, mā te whakarerekē, mā te whakapakari i a Te Arataura me Waikato-Tainui e toitū ai ngā mahi pakahi, ngā mahi tarahiti, ngā mahi kaporeihana anō hoki.
Koia te kōrero a te heamana o Te Arataura a Tukuroirangi Morgan, whai muri mai i tana kopoutanga hei ārahi anō i te iwi mō ngā tau e toru kei mua i ā rātou.
Hei tā Morgan, kua roa te wā ngā rawa a te iwi e noho ana i ngā pūnaha whakahaere tawhito, ā, kua tae ki te wā me huri.
E ai ki a Morgan, “ko te mea kē mai i te take raupatu mai i te whakatutukitanga o mātou take raupatu i te tau 1995 kāore anō kia rerekē te āhua o te takoto o ngā kaporeihana te āhua o te whakahaere ērā momo āhuatanga katoa ka āta tirohia i tēnei tau ko te tūmanako kia tutuki i tō mātou whare pāremata me ōna whakarerekētanga.”