January 18, 2024
Ngira Simmonds | Nau mai e te manotini ki Tūrangawaewae ki te wānanga
Ahakoa tamariki mai, ahakoa kaumātua mai, e tuwhera ana ngā tatau o Tūrangawaewae ki te katoa i tēnei wiki.
Koia te kōrero a te māngai o te Kīngitanga a Ngira Simmonds, mō te āhua o ngā whakaritenga mō te hui nui o te motu kā tū ki te kāinga o Kīngi Tūheitia, ā te Rāhoroi nei.
Hei tā Simmonds he kaupapa kei reira mō te katoa, “kotahi te kupu a Kīngi Tūheitia ki te iwi Māori, haere mai, haere mai, haere mai, kaua e āwangawanga, kaua e mānukanuka, haere mai ki te hui. Mā konā ka ea ko te kotahitanga o te iwi Māori. Nō reira ko te āhua o te hui he hui Māori tēnei ka tū i raro i ngā tikanga o ngā mātua o ngā tūpuna. Otirā i ngā tikanga o te Kīngitanga. Matua rā he wāhanga tō ngā tamariki, tō te rangatahi, tō te pakeke, tō te kaumātua anō hoki ki roto i tēnei huihuinga whai wāhi ai te katoa haere mai.”