January 15, 2024
Rāhui ahi ki Wairarapa
I puta atu te karanga i te Whakaratonga Iwi kia whakakore i ngā mahi whakakārangirangi i te ahi ki te takiwā o te takutai o Wairarapa.
I te 8 o ngā haora i tēnei ata te 15 o Hanuere i ara ai te rāhui ahi ki te takutai o Wairarapa kia whakakore i ngā mahi tahu ahi ki reira.
E ai ki te Whakaratonga iwi kua tae atu te mōreareatanga o te wāhi rā ki tōna ikeiketanga, koia te take i tau iho te rāhui.
E ai ki te Whakaratonga iwi hoki, kua whakakore te mana o ngā puka whakaaetanga ahi anō hoki.
Nā te wera o te āhuarangi, nā te maroke o te whenua nā te kaha pupuhi o hau anō hoki i tērā takiwā ka tere horapa a ahi.
I tēnei wā kāore anō kia whakatauhia hei āhea te rahui e hiki ai.
Mō te roanga ake o ngā kōrero mō te rāhui nei tēnā toro atu ki te paetukutuku o fireandemergency.nz.