January 15, 2024
Ngira Simmonds | He hui kei te haere, ehara i te porotēhi ki Tūrangawaewae.
Ehara i te hui ka tū ki Tūrangawaewae ā te Hātarei i te hui porotēhi.
Koia te whakamāhara kua puta i te Kīngitanga i mua i te tū o te hui nui whakaharahara ki Ngāruawāhia i tēnei wiki ki te matapaki i ngā hiahia ā te kāwanatanga haumi hōu, ki te whakatāmi anō i te ahurea Māori.
Hei tā te māngai o te Kīngitanga hei tā Ngira Simmonds, kia haere tahi atu tātou i te whakaaro kotahi.
E ai ki a Simmonds ko te mea nui kia haere Māori mai, “kua roa a Tūrangawaewae marae e ū ana ki te tikanga kia kaua e porotēhi, kia kaua e hari mai he tohu he kara rānei ki runga ki te marae. Kua roa tērā tikanga ka tū ki tēnei o ngā marae nō reira haere Māori mai, haere mai me tō whakapapa tō maunga, tō awa, ō karangatanga tātai whakapapa katoa. Mauria mai ērā taonga o ngā mātua, o ngā tūpuna. Me kaua rawa e tāmi te mauri, te tapu o tētehi atu.”