December 19, 2023
He tangata arero rua a Pirimia Luxon
He mahi arero rua tā te Pirimia kī me utu te tangata i āna ake nama whakaako i te reo Māori.
Koia te kōrero a te Kaiārahi o Reipa, a Chris Hipkins, nā te puta o tētahi ripoata e whakaatu ana i tā Christopher Luxon whakamahi i ngā putea tāke ki te utu i ana karāhe ako i te reo.
I ngā wiki kua tata, kua kī a Luxon mēnā e hiahia ana ngā kaimahi o te rāngai tūmatanui ki te ako i te reo Māori mā rātou e utu, kaua mā te kāwanatanga. Ko tāna, he whakakore i ngā pūtea e tukua ai ki ngā kaimahi whai pūkenga reo, whakamahi i ō rātou pūkenga reo ki te wāhi mahi.
I timata a Luxon i ana karāhe reo Māori i a ia i te Āpitihana, ā, hei tāna, he mea nui ki a ia te ako i te reo hei whakamana ake i tana tūranga hei kaiārahi i a Nāhinara, ka mutu, hei pirimia hoki mō tēnei motu.
I kī tonu ia, nā konā, he tika tana penapena i te pūtea hei whakapakari i ōna ake pūkenga, ā, ka whakamānawa ia i te tangata kia pēnā hoki.
Heoi hei tā Hipkins, he arero rua te mahi me te mea hoki ko te reo Māori he taonga e tohu ana mā te ture me tiaki.