November 20, 2023
Āpuarangi: He Kohinga Himene Māori Ao Hōu
Ko te kōpae waiata o Āpuarangi, he kohinga himene Māori nō roto mai i ngā kōrero o te karaipiture, he mea rongo hoki i ngā hāhi katoa, heoi kotahi tōna rerekētanga.
Koia te kōrero a tētahi o ngā kaiwhakaputa i te kōpae waiata nei a Reverend Te Hira Paenga nō Te Wānanga Ihorangi.
Hei tāna, ko te nuinga o ngā kupu ka mārama ahakoa te hāhi o te tangata, heoi, kua whakahōungia ngā rangi e pai ake ai te toro ki ngā rangatahi, me ngā tamariki.
“Kāore i tino ū ki ngā whakaritenga o ngā waiata tira kei ngā hīmene o roto i ngā hāhi, heoi anō kua whakahōungia ki ētahi taera pai, ētahi taera e rarata mai ai te hunga rangatahi. Nā reira koira pea te wero nui i kite i roto i ngā wiki ko te āta whakanikoniko, ko te āta whakahōu i ēnei himene kia rarata mai ai te hunga rangatahi otirā ā tātou tamariki ā tātou mokopuna.”Ā te tuarima o Tīhema whakarewa ai te kopae waiata nei.
Ā te tuarima o Tīhema whakarewa ai te kōpae waiata nei.