October 25, 2023
Te Dunedin Study – Hei whai oranga mō te iwi Māori anō hoki
E hiahia ana te upoko hou o te kaupapa rangahau e kīia nei ko Te Dunedin Study kia nui tana aronga ki te hunga Māori e whai wāhi ana ki te mahi nei.
Koia te kōrero a te Ahorangi Tūhono hou ki te kaupapa a Moana Theodore nō Ngāpuhi. Nā te rironga o te upoko o ngā tau 23 kua hipa, a Ahorangi Richie Poulton, i whakapiki turanga ai a Theodore.
Hei tāna, neke atu i te kotahi mano ngā tāngata i whānau mai i ngā tau 1972 me te 1973 e whai wāhi ana ki ngā rangahau nei, heoi he iti ake i te waru ōrau te hunga Māori.
Hei tā Theodore, ahakoa he iti te rōpū nei, he pounamu nā te tino hōhonu, nā te tino kounga hoki o ngā raraunga kua kohikohi mō rātou i ngā tau e 51 kua pahure nei.
Ka kī tonu a Theodore kei te whakaaroaro ia me tana kāhui rangahau kia pēwhea te whakamahi i ngā rangahau ināianei e whai hua ai te hauora me te oranga hoki o te iwi Māori.