Marama Davidson | Me whakamarama mai a Shane Te Reti i tana whakapūhoi ka tika!

Waatea Team Marama Davidson - Kua hē a Nāhinara, ā, kāore anō rātou kia tīmata

Download Audio

Kei te takahi te minita tauwhanga hauora o Nāhinara i āna kī taurangi ki ōna kaipōti i Te Tai Tokerau, ki te whakahōu i te hōhipera o Whangārei.

Koia ngā kupu a te kaiārahi takirua o Ngā Kākāriki a Marama Davidson ki tō mātou hōtaka o Pākiwaha mō te huri tuarā a te kaitono o Nāhinara ki te rohe o Whangārei a Shane Reti, ki tāna i kī ai, ka whakatikatika rātou i te hōhipera o te tāone, ki te eke rātou hei kāwanatanga.

I puta ēnei kupu a Davidson whai muri i ngā nawe a tētahi kaimahi hauora ohotata, i te rongotanga atu e kore e ea i ā Nāhinara ngā mahi whakahou i te hōhipera o Whangārei i ngā tau e toru kei mua i ā tātou.

Hei tā ngā whakaaro a te kaimahi rā, ka horomia te pūtea e $900 mīriona te nui i whakaritea e Reipa ki te whakaheke iho i ngā utu tāke ki te tangata.

RELATED NEWS

Anei te ara angitū: Te tarati Pūtea Whakatupu Kia noho anō te reo Māori hei reo tuatahi koia te hiahia a Ngā Kākāriki He taonga te reo, engari he nui ake ngā taonga hei tiaki hoki i te motu nei.