September 06, 2023
Taku Puka Tohu Tao Tuatahi: Dr Jennifer Martin
Mō te āpōpō te take.
Koia te kōrero a te kaiwhakamāori i te pukapuka Tohu Tao Tuatahi a Edmonds i whakarewahia inātata nei.
Hei tā Tākuta Jennifer Martin, o Te Rarawa, nā tōna whakaaro nui ki āna tini irāmutu i tino whakaae ia kia whakamāorihia te pukapuka rongonui nei.
He tauira o te kura kaupapa Māori, hei tā Tākuta Jennifer, he mea tuhi ia nā te korenga o ngā rauemi Māori pēnei i a ia i te kura.
Anei ngā whakamārama a Takuta Jennifer Martin.
“Ahau ake, i tupu i te kura kaupapa Māori, nō reira ko au tētahi i wamaria ki tō tātou reo nōku e tamariki ana, nā, taka mai ki ēnei rā nei ko aku irāmutu ēnā e takahi ana i te ara o te reo Māori i te kura, nā reira ko tō rātou aunty tēnei e ngana ana ki te kimi huarahi ki te tautoko i tērā haerenga ā rātou.”