September 06, 2023
He reo mō ngā tāngata moemoeā?
Kei te rere ngā kōrero kaikiri i Ahitereiria i mua i te pōtitake āe, kāo rānei mō te tū o tētehi komiti tohutohu, ko te Aboriginal and Torres Strait Islander Voice tēnā, hei kawe i te reo o ngā tangata taketake ki te Pāremata.
Koinā nei te kī a James Blackwell, he tangata Wiradjuri o Ahitereira, he kairangahau ki te Australian National University hoki, whai muri i te rongo kua heke te tautoko a te whenua i te kaupapa i raro iho i te 50%.
Ā te 14 o Oketopa tū ai te pōtitake. Koia nei te pātai: “A proposed law: to alter the Constitution to recognise the First Peoples of Australia by establishing an Aboriginal and Torres Strait Islander Voice. Do you approve this proposed alteration?”
I kī a Blackwell ki tā mātou hōtaka parakuihi a Paakiwaha ahakoa ngā hua kino o ngā tatauranga, ahakoa ngā kupu kaikiri e whiua nei e ngā kaiwhakahē, kei te ngākau rorotu ia.
Hei tāna, ki te kore te pōtitake e whakaāetia i tēnei tau, ka tū anō ā tōna wā. Hei tāna, he mea māmā te kaupapa: kia rangona ngā reo o ngā tāngata moemoeā ki te Pāremata. Ehara i te mea me whai ka tika ngā tōrangapū i ngā whakaaro o te iwi taketake.