September 04, 2023
Wairua o Waitangi! Whakaohorere ana!
Mātua tonu ki Ngā Kākāriki ko te whakapūmau i Te Tiriti o Waitangi ki ngā whakahaerenga o ngā whare pāremata.
Koia te kōrero a te māngai mō te pāti a Te Anau Tuiono, whai muri i tana tū ki te tautohetohe a te Kupenga reo i te Taitokerau ki te Wharenui o Waitangi i ngā rangi tata nei.
Tokotoru ngā kaitono Kākāriki i reira, ko Huhana Lyndon, kaitono ki te tūru Māori o te Taitokerau, me te kaitono ki te tūru auraki a Reina Penney hoki.
I reira a Shane Jones, o Aotearoa Tuatahi, raua ko Kelvin Davis o Reipa.
I tautoko hoki a Hinurewa te Hau rāua ko Tama Potaka o Nāhinara, me ngā mema o te pāti Māori, a Mariameno Kapa Kingi rāua ko Eru Kapa Kingi.
Ko te take nui o te pō, ko ngā kaupapa here reo Māori o tēna pāti, o tēna pāti.
Hei tā Tuiono nō rātou katoa te whiwhi.
“Te tino ranagatiratanga i wawatatia o tātou mātua tupuna i ā rātou a e waitohu ana, e tamokhia ana te Tiriti o Waitangi, tēra tētahi mea e tino hari ana te ngākau, me pēhea, ki tō mātou nei taha, e whakawetiweti ngā tukanga o te paremata kia ora ai ngā manako o ngā hapu o ngā whānau i kaha ki te whai te oranga o te tino rangatiratanga.”