Listen Now: 
Download AudioKo te eke a te Wharekura o Ruamatā ki te taumata karamatamata o te ao hau poi kura tuarua o Aotearoa, he hua o tētahi rautaki rima tau te roa. Koia te kōrero a Parekura Rangitauira, tētahi o ngā kaiako tautoko i te kapa hau poi o Rotorua, whai muri i tā rātou eke i te kura o St Vincents i te ata o te Mane kia kokiri tonu tā rātou hikoi ki te kapu Rankin. Nō te ata nei eke ai te kapa hei kura Māori tuatahi ki te taumata hau poi nei o te motu. Hei tā Rangitauira, he nui ngā mahi i tutuki kia eke ai te kapa i tēnei tau. “Ko tōna rima tau ināeanei te āta whakarite i tērā pae tawhiti mō te kapa. Nā reira kua ata aronui te kaiako matua o te tīma i tēnei whainga i roto i te rima tau nei, tae rawa hoki ki te whanake i ngā teina o te kura tuatahi o te kura waenga kia pakari ai te tīma kura tuarua i tēnei tau.”
RELATED NEWS
