August 23, 2023
He toka tū moana te Kiingitanga
Ki ngā take tōrangapū I tae atu ngā mema tōrangapū ki a Tūrangawaewae marae i ngā rangi kua taha ake kia whakanui kia whakamana hoki i te ‘Koroneihana o Kiingi Tuheitia Potatau te wherowhero te tuawhitu’.
E ai ki te Mema Paremata i ‘Te Pāti Kākāriki’ e ai ki a Teanau Tuiono ahakoa ngā take o te wā ka tau iho ki te motu kei korā tonu te Kiingitanga e hāpai nei i ngā kaupapa whakaora i te iwi māori.
” Ahakoa ka tini ngā kanohi o te paremata me te kāwanatanga kei reira tonu ‘Te Kiingitanga’ me ōna manaakitanga ki a tātou katoa, kei reira rātou mō te katoa o te hīkoi nō reira ko te mea nui kia whai wāhi mātou ki te tāpiri nei o mātou kaupapa here ki tō ‘Te Kiingitanga’ e hiahia ai.