August 15, 2023
He tuatahitanga mō Jordyn with a Y
Nā te waiata i te whare karakia hei tamaiti i puāwai ai ngā pūkenga tito waiata a te kaiwaiata nei a Jordyn Rapana, arā, Jordyn with a Y, nāna hoki i tohu ki te wāhanga reo Māori o te whakataetae Kaitito Kaiaka, arā, APRA Silver Scrolls, 2023.
Koia nei te wā tuatahi kua pērā tētehi waiata āna, ā, hei tāna, hei tā Jordyn, he hātepe nui tērā i tana huarahi hei kaitito waiata.
ei tā Jordyn, “Kua tupu ake taku whānau i te ao puoro nō roto mai o te hāhi, nō reira tēnei mea te puoro me te waiata he mea e noho pātata mai ana ki taku ngākau, ki taku manawa. Engari ko te pūtake o aku waiata i ēnei rangi ko āku tama, kia tū Maori rāua i tēnei ao, kia kite hoki rāua i nga kaiaiata Māori, i ngā waiata reo Māori, me te kite he oranga tērā.”
E toru ngā waiata kua eke ki te whāinga whāiti. Ko te mea tuarua ko E Tama, nā Hamiora Tuari rātou ko Ani Piki Tuari ko Tame Tuari ko Tatana Tuari ko Matt Sadgrove i tito, nā ngā Tuari Brothers te waiata i waiata. Ko te mea tuatoru ko Me Pēhea Rā, nā Mohi Allen rātou ko Hēmi Kelly ko Amy Boroevich, ko Noema Te Hau III i tito, nā Mohi i waiata.
Hei te 4 o Oketopa tū ai te pō tuku taonga ki Tāmaki Makaurau.