July 31, 2023
Mā mātou te iwi e whakamāori i ērā kōrero, kaua e waihō mā te rorohiko
I tērā wiki i puta atu te karere mō te Mea i Kaipara arā mō Craig Jepson, e mea ana ka unuhia te reo māori i te mahere a tau mō te kaunihera, hai tāna mā tērā ka māmā ake ai ngā mahi pānui mā te katoa.
Hai āpiti atu hai tā Jepson anō ka whakaritea e te kaunihera he mahere reorua hoki heoi e ai ki ngā rīpoata mā te taupānga o AI e whakamāori i taua mahere rā.
Hai tā te heamana i te hapū o Te Uri o Hau hai tā Reno Skipper kāore a te Hapū o Te Uri o Hau e paku whakaae nei ki ngā mahi tāmi i te reo māori a te mea o Kaipara arā a Craig Jepson ahakoa tērā kei te kōkirihia tonutia i tāna e hiahia nā.
” Ahakoa kua kōrero ia ki te iwi māori, ko te raru kāore ia i te whakarongo ki ngā kōrero tautoko kia noho ki te taumata ōrite te reo māori me te reo pākehā”