“Whare wānanga hou mā ngā Kāmura o āpōpō”

Pohaturoa Waenga Te Marino Lenihan - Kaiurungi i Ara Timarū

Download Audio

I rere ngā karakia i te Paraire kua hipa i a Ngāti Huirapa i te whare Wānanga o Ara / Te Pūkenga i Timaru.

A, ka whakatūria he whare kāmura hou i te ātea o Ara, i tōna tikanga hai te tau e heke mai nei ka tūwhera ngā tatau o taua whare hou rā ki ngā ākonga me te hapori whānui.

Nā te kaumātua haere o te whare kāmura e tū ana i Ara i tēnei wā nei i whakatau te poari whakahaere kia whakatū i tētahi whare hou.

E ai ki te Kaiurungi i ngā kaupapa māori o Ara e ai ki a Te Marino Lenihan mā ngā tikanga māori e tāwharau i ngā ākonga ka kuhu ki ngā whare wānanga hou.

“Ko te kauapapa matua, ko ngā ākonga māori ka kuhuna ki tērā whare kia mōhio rātou, rātou ko ō rātou whānau i te wā i whakatū ai te whare i reira te haukāinga, i reira ngā tikanga whakahaumaru i taua whare, kia waatea ai te ara o te mātauranga kei mua i a rātou”

RELATED NEWS

Whakamutu atu i ngā mahi whakapoka i o mātou whenua Me tahuri te kei a ō rātou waka kia whai i te ara o Tika Kei te ara tika ngā Ōpango e haere ana