July 30, 2023
Whakamutu atu i ngā mahi whakapoka i o mātou whenua
![Watermark](/wp-content/uploads/2021/05/logo-4.png)
![](https://waateanews.com/wp-content/uploads/2023/07/Parihaka-3007.png)
Kāore a Parihaka i te paku whakaae ki ngā mahi whakatōmene a ngā kaporeihana kāpuni , ngā kaporeihana hinu anō hoki i to rātou rohe.
I te tau 2013 i whakatau te karauna ka kore ngā kaporeihana kāpuni e ahei ai te keri te whakatōmene rānei i te papakāinga o Parihaka, ko tā te haukainga atu ki te kāwanatanga me te karauna me whakawhānui kē ake tērā rāhuitanga kia timata kē i te maunga o Taranaki tae atu rā ki te moana.
Hai tā te Tiamana o te Tarahiti o Parihaka Papakāinga trust hai tā Tuhiao Bailey me whakarāhuitia te katoa o tō mātou whenua mā ngā kaporeihana hinu e te karauna kaua ko tētahi wāhi moroiti anake.
” He pai tō koutou whakarāhui i tētahi wāhi iti huri noa i te pā erangi ehara tērā i a Parihaka anake”