July 11, 2023
Manako – Taiarahia Black
Kua tuhia e Tamarereti i a Pōhutukawa ki te uma o Ranginui, e tohu ana kua whetū rangitia ō tātou mate.Ko tētahi o ngā tohu o Matariki, he hokinga mahara, kia ora tonu ai ngā kōrero tuku iho mā te wānanga.
Nō reira kia huri ō tātou whakaaro ki ngā tau e 155 ki muri, i taua wā ko Wikitōria te kuīni o te emapaia, kua pakaru te riri i waenganui i ngā iwi Māori, otirā, te karauna, me ōna ope hōia me ōna Pākehā.I whai wāhi atu tō mātou kairīpoata a Kawe Roes ki a Taiarahia Black, o Ngāi Tūhoe, tohunga hoki mō te tupuna nei a Te Kooti Arikirangi Te Tūruki o Te Hāhi Ringatū.Anei a rāua kōrero i te wā e noho ana a Te Kooti me ōna pononga ki Te Kūiti i te tau 1872.