July 05, 2023
I wānanga au ki a Aunty ‘Naia: Hana Rawhiti Maipi-Clark
Ehara i te mea ko tana tū he tū poka noa. Engari kē he tū kua āta wānangahia ki ana kaumātua me ana kuia, ā, ki tana whaea kiekie anō hoki, a Nanaia Mahuta.
Koia te kōrero a te kaitono hōu a te Pāti Māori ki te turu o Waikato Hauraki, a Hana Rawhiti Maipi-Clark o Rāhui Pōkeka, mō tōna kopouatanga i tērā wiki.
Hei tāna, ahakoa kāore ia e kaha ngākau nui ana ki ngā mahi tōrangapū, ko te tū hei māngai mō te Māori te mea nui ki a ia.
“Kia pono aku kōrero, kua roa nei te wā e tohe ana au e whakaaro e wānanga e hari ana i tēnei kaupapa ki te pātai atu ki te nui o aku ruruhi, koroheke, kia Aunty ‘Naia hoki, ki te kapu tī ki te wānanga. Ehara i te mea ka haere au ki te poka noa, ka tino kawa au ki te whakaaro o ngā mahi tōrangapū, engari ka rata au ki ngā whakaaro hei tū motuhake mō te iwi.”
- Whakarongo ki te uiui katoa ki konei.