Me pakanga ki te ngarara waipiro: Hāpai te Hauora

Waatea Team Tara Dymus

Download Audio

Mātāmua ake, ko te waipiro te tino kai hei whakapōauau i te tangata e raru hoki ai te tangata i Aotearoa, i ērā atu o ngā whakapōauauo arā te P, te tūpeka, me te whakapōauau taru meho.

Koia nei te kitenga o tētehi rangahau nā Te Whare Wānanga o Ōtakou, me te aha e īnoi ana te pokapū hauora a Hāpai Te Hauora ki te kāwanatanga kia tere ake te whakapaipaingia, otirā, te whakapaipaitia o ngā ture whakahaere waipiro.

Tāpiri atu ki tērā, e ai ki a Waka Kotahi, ki roto i ngā tau tekua kua pahure nei, kua huarua ngā mate e pā ana ki te hautū haurangi. E ai ki a Tara Dymus o Hāpai Te Hauora, “Tirohia nei te ripōata a Waka Kotahi. I tēnei wā tonu, kāore te kāwanatanga e whakamahi i ngā rauemi katoa e taea ana, i ngā ture e taea ana.

Hei tāna anō, “Ki te patu i tēnei ngarara te waipiro, hei tā Hāpai te Hauora, ko ētahi o nga rautaki ki te anga whakamua e uru atu i ngā rauemi, i te pūtea ki ngā kaupapa pērā i ngā kaupapa hauora tūmatanui, arā, te public health, hei whakaako i a mātou whānau.”

RELATED NEWS

Kia tupato, kua hoki mai anō te mako nui ki Taranaki Kua timata ai te hakari mō te raumati i roto o Poneke ki te Mara Potanika Kua tau te kaupapa whātoro a te Pīka ki Manawatū: Te Anau Tuiono