Ko te utu ko ngā tāonga tūturu o te whenua nei – Aperahama Edwards

E hēmanawa ana, e pōuri ana, e riri ana ngā uri o te iwi o Ngāti Wai ki te karengo kōkuhu i ahu mai i tāwahi, ā, e pokea katoatia ana te papa taimoana o roto iho i ngā roherohenga o Ngāti Wai i Te Tai Tokerau, ā, he rimu e whakamate nei i te tipu a ngā rimu tūturu o Aotearoa nei.

Hai tā te heamana o te poari i te tarahati o Ngāti Wai, hai tā Aperahama Edwards, he nui ngā kīrearea kua tae mai i tāwahi e takakino nei i te taiao, i te papa moana me āna tamariki hoki, ā, koia pū te hua i puta nā ngā mahi ngoikore a te kāwana ki te tiaki pai i te taiao whānui.

“Ko te tuaaha tēnei o ngā tūmomo pests kua tau mai ki te whenua nei i roto i aua tau, hoki kōmuri nei ngā mahara ko te Asian paddle crab, ko te Mediterranean sandworm, ko te myrtle rust, ko te kauri dieback … taetae katoa mai ana ngā mea neki, nā te aha? Nā te ngoikore e ai ki tā mātou titiro o ngā mahi tiaki i te whenua, tiaki i te moana hoki a te kāwanatanga.”

Hai tāna anō, he mea nui te whakahoki i te mana whakahaere mō te āhua ki ngā mahi tiaki taiao ki te mana whenua, ā, ko te wāhi ki te karauna ko te aukati i te kēti ki ngā ngangarā e ngau kino nei i ngā tāonga tūturu o whenua rā.

“Me ūwhia te wāhi ki te rāhui kia mutu ai te hāereere haere, te torotoro haere o te tangata ki te wāhi rā kei tīhahu te rimu … ka teretere ki runga i te wai tahukihia kei tipu mai anō.”

• Whakarongo ki te uiui katoa ki konei.

RELATED NEWS

He tirohanga ki ngā marae Ko Ngā Manu Kōrero, mē te whakataetae kapa haka kura tuarua ō Taranaki Tokomaha ngā kaiako ō Waikato e hiahia ana kia whiwhi mahi i tēnei wā