June 13, 2023
He tohu hei whakanui i ngā kaimahi pukunanaiore
Nā te kaimahi pukunanaiore te take i toa anō ai te tarahiti Wi Pere nō Tūranga, i te tohu tiketike Ahuwhenua o te tau. Koia nei te kī a te Pou Tikanga o te tarahiti, a Te Hira Pere, whai muri i te pō tuku taonga i tū ki Tauranga i te Hātarei.
I tērā tau, i toa te tarahiti mō tana mahi hipi, mahi kau hoki. I tēnei tau, i wikitoria mō tana whakatipu whurūtu me te whakatupu purūpere.
Hei tā Pere, ko ō rātou kaimahi katoa, tōna 93 nei rātou, ngā tino kaitoa i te tohu nei. Hei tāna, nā tō rātou ihu oneone, nā tō rātou upoko mārō ki ngā mahi i tino eke ai rātou.
“Ki taku titiro, ko ngā mahi mai i ō mātou kaimahi, tino pukumahi o mātou kaimahi ki te manaaki ki te tiaki i te whenua, ki te poipoi i te hua rākau ka puta mai.”