March 22, 2023
He rautaki reo mā te mahi kuti hipi
Nā tētehi rautaki reo Māori motuhake i rere ai te reo rangatira i te Whakataetae Kuti Hipi o Te Waimarino ki Raetihi i te Hātarei kua hipa.
E ai ki tētehi o ngā kaiwhakahere, ki a Elijah Pue, e waru tekau mā rima ōrau o ngā kaikuti hipi he Māori, heoi ko te reo Pākehā te reo o te hēti wuru. I hiahia ngā kaiwhakahaere kia reo Māori anō te hēti wūru, kia whakaatu atu ki te minenga i te whakahua tika o ngā kupu Māori anō hoki. Nō reira i mahitahi rātou ki Te Taura Whiri o te Reo Māori kia whanake ai tētehi pātaka kupu mā te whakataetae.
Hei tā Pue, “Ko tētehi kupu o te hēti rā, ko te ‘long blow’. Koia tētehi mahi a te kaikuti hipi rā. Nō reira, i whakamāmātia te whakamāoritanga o tēnā kupu e kīia ana ‘long blow’ – whiti roa. Koinā tētehi wāhanga o te rautaki, te whakamāori i ētehi kupu o te hēti, kia Maori te reo. He māmā ake tēnā.”