November 29, 2022
Tuia te here tangata
Ka moe te tikanga i te ōhanga, ka puta mai te oranga. Koirā te kī a Ngahiwi Tomoana i tana hokinga mai i tētehi hui whai hononga ki ngā iwi taketake o Tiapani.
Ko Tomoana te upoko o Te Aratini, tētehi tira haere ki te whakatewhatewha i ngā kōwhiringa pakihi, ahurea hoki mō ngā iwi taketake ki te Huinga Ahurei o te Ao 2025 ka tū ki Osaka.
Hei tā Tomoana anō, i tīmata Te Aratini hei mahi i waenga i te kāwanatanga me te iwi Māori ki te whakanui i ngā reo taketake o te ao i te Huinga Ahurei o te Ao i Dubai i te tau 2021, ā, ko te whāinga o te haere ki Tiapani he whakawhānui i ngā mahi tuitui hononga.