October 28, 2022
He moemoeā, he ratonga whakapā reo rua
He moemoeā tō Tuteri Rangihaeta: ka waea atu koe ki tētehi pakihi, ā, ka rongo koe i te karere e whai ake nei: Pēhia te 1 mō te reo Pākehā, pēhia te 2 mō te reo Māori. Ki te whiriwhiri koe i te reo Māori, ka tukua koe ki tētehi kaiāwhina reo rua.
Nā runga i tēnei wawata, kei te mahitahi a Rangihaeata, nō te umanga auaha a Waha, ki a Unity 4 tētehi kamupene nui i te ao whakapā, ki te whakatū i tētehi ratonga whakapā reo rua.
Kāore anō kia rewa te ratonga, heoi hei tā Rangihaeata, kua tapaina te ingoa, ko Wairua Pai, hei whakaatu i tōna ahurea Māori.
Hei tāna anō, ko te pae tata kia whai kirimana ki ngā kamupene nui o te motu e hiahia ana ki te tautoko i te reo Māori.