October 26, 2022
Kua whakaingoatia ngā Tōkena Pango
He kēmu whānau te poiuka, a, kua whakatinanahia tērā ē te kapa Poiuka Tāne o te motu, i tā rātou whakaingoatanga i ngā rōpu tuakana/teina e toru ki tō rātou kapa mō te Kapa Poiuka Tāne ā-Ao.
Koia tērā ko Thomas rāua ko Ben Enoka o Ngapuhi, ko Reilly Makea, rāua ko Dante Makea-Matakatea o te Horowhenua, a, ko Cole Evans rātou ko Rhys ko Joel o Tāmaki Makaurau.
E ai ki a Hoani Lambert, heamana o Poiuka Aotearoa, he kēmu ā-whānau te poiuka, he kēmu tuku iho hoki. Ā, kei te whai ētehi o ngā kaitākaro i ngā tapuwae o ō rātou matua i tā rātou whai wāhi atu ki tēnei tōnamana Poiuka ā-ao.
Ka tū te whakataetae atu i te 26 o Noema ki te 4 o Tīhema ki te Raki Pae Whenua. Ka pāhotia mataoratia ngā kemu i Whakaata Māori.