Listen Live

/

/

/

Type to search…

/

Tautoko i ngā whānau Māori ki te hoko whare

Tautoko i ngā whānau Māori ki te hoko whare Kua hui ngā mātanga penapena pūtea, ngā mātanga roia me ngā mātanga whare ki te wānanga tahi, me pēhea te tautoko i ngā whānau Māori ki […]

0
1

Tautoko i ngā whānau Māori ki te hoko whare

Kua hui ngā mātanga penapena pūtea, ngā mātanga roia me ngā mātanga whare ki te wānanga tahi, me pēhea te tautoko i ngā whānau Māori ki te hoko whare. Hei tā Rau Hoskins o te roopu whare Māori o Te Matapihi, mai rā anō i te ngahuru tau iwa tekau, kua heke ngā tatauranga mō ngā Māori nō rātou anō o rātou whare. Hei tāna, ko te katinga o te Tari Māori o te Kāwanatanga, arā, o te Māori Affairs Department tētahi take i pērā ai, i te mea, i ngā wā o mua, ko taua Tari tētahi waahi i taea ai e ngā whānau te mino pūtea kia hoko whare ai rātou.

 

Noho kotahi i raro i te Aotearoatanga

He pūtea hei tūhonohono i ngā rohe me ngā iwi o te motu kia noho kotahi i raro i te Aotearoatanga. Koirā tā te Minita Whakawhanake Rohe, tā Shane Jones mō te rua rau, whā tekau miriona tāra kua whakapaua e te Kāwanatanga e tō ai te kotahi piriona rākau, puta noa. Hei tā Jones, mā te mahi whakatō rākau nei, ka puta te tini o ngā hua ki te pāporitanga, te taiao me te whanaungatanga i roto i ngā rohe.

 

Ngā neehi ki te Roopu Whakamana i te Tiriti

E haere ana ngā neehi ki te Roopu Whakamana i te Tiriti, ki te tohe kia whai rātou i te utu ōrite ki ō rātou hoa Pākeha. Hei tā Kerri Nuku, māngai mō ngā neehi Māori, ahakoa te whakataunga o ngā whakaritenga utu i waenganui i ngā neehi whānui i ngā rā tata nei, ko tētahi raru nui tonu o taua whakataunga, ko te nui ake o te pūtea ki ngā neehi kei ngā ratonga auraki e mahi ana, i ngā neehi kei ngā ratonga Māori e mahi ana.

Follow us on "p_facebook" & "p_twitter"

Copyright © 2018, UMA Broadcasting Ltd: www.waateanews.com

Author

  • Radio Waatea is Auckland’s only Māori radio station that provides an extensive bi-lingual broadcast to its listeners. Based at Ngā Whare Waatea marae in Māngere, it is located in the middle of the biggest Māori population in Aotearoa.

Share with

/

0

/

0%

More posts. You may also be interested in.

RECEIVE REGULAR UPDATES FROM WAATEA NEWS

Stay Updated

    RECEIVE REGULAR UPDATES FROM WAATEA NEWS

    Stay Updated

    Radio Waatea is Auckland’s only Māori radio station that provides an extensive bi-lingual broadcast to its listeners. Based at Nga Whare Waatea marae in Mangere, it is located in the middle of the biggest Māori population in Aotearoa.