April 03, 2018
Tohe a Ngati Whatua Orakei ki a Hauraki
Tohe a Ngati Whatua Orakei ki a Hauraki
Kua tukuna a Ngati Whatua Orakei e te Kooti Ikeike kia ata kohi korero, kia ata whakarite rarangi take hei whakapataritari i te whakataunga a te Kahui Iwi o Hauraki. Kei te riri a Ngati Whaatua, na te mea, hei taa ratou, no ratou te mana whenua ki o ratou rohe i Tamaki, engari, kua whakaae te Karauna kia toro nga ringa o Hauraki ki etahi o aua rohe. Hei taa Ngarimu Blair, mangai mo Ngati Whatua, e wawata ana ratou kia whakaae te Kooti Ikeike ki taa ratou tohe.
Te Ture Whakahaere Rawa
Hei taa te Minita Whakawhanake Rohe a Shane Jones, mena e hiahia ana nga iwi ki te whakatipu i aa ratou kaupapa ahumoana, me panoni i te Ture Whakahaere Rawa. Hei taana, i tenei wa nei kei te whakatiki taua ture i te whanaketanga o nga kaupapa ahumoana a te Maori. Hei taa Jones, toihau o mua o Te Ohu Kaimoana, he uaua rawa etahi o nga whakaritenga o taua ture.
Copyright © 2018, UMA Broadcasting Ltd: www.waateanews.com