Listen Now: 
Kua hinga a Colin Meads
Kua hinga te rākau paina o te nehenehenui i te ata o te Rātapu ki te hōhipere o Te Kuiti i te rohe Pōtae. Kua kotahi tau a hautipua o mua o te whutupaaoro a Colin Meads e pakanga ana i te mate pukupuku I ōnā whekau nonanahi rā ka mutu tōna whawhai ki te kaupare I te nganara nei.
Kai mua te roopu Reipa
Kai mua ngā ihu o te roopu Reipa e koke whakamua i te whakataetae kōwhiringa pooti. Hai tā Mātanga matai i ngā take torangapū a Henare Kingi he āhuatanga tēnei kua kite ake i te urunga o Jacinda Adern hai pouārahi mō te roopu.
Tūru Māori o Te Tai Hauauru
He pakanga nui mō te tūru Māori o Te Tai Hauauru ki waenganui i te hunga whaiwhai pooti kia riro i taua tūru. Hai tā Adrian Tangaroa me uaua ka riro atu te tūru e nohotia e ana e te mema torangapū o Reipa e Adrian Ruuraawhe.
Hōtaka kowhiringa pooti a motu
E takatu ana a whakaata Māori ki te whakahaere hōtaka motuhake e pā ana ki te kowhiringa pooti a motu. Hai tā Orini Kaipara kaiwhakataki i te hōtaka, mā whero, mā pango e tutuki ai te whakapaohotanga arorangi.
Tauwhainga Tiriti a Ngati Rangi
Kua waitohutia e te karauna te tauwhainga tiriti a Ngati Rangi ki te rohe o Whanganui. Hai tā Che Wilson pūkōrero he nui ngā tautohe a te iwi kia noho motuhake kia noho rānei ki raro i te kotahitanga o Whanganui.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
