Listen Now: 
May 29, 2017
Ka poroporoakitia tetahi o ngaa pou o te ao roia maori
Waatea Team
Posted On May 29, 2017
Ka poroporoakitia tetahi o ngaa pou o te ao roia maori
Hei te ata nei tuu ai te uhunga o John Chadwick ki runga i te marae o Te Papai-o-uru i Rotorua. He roia rongonui ia no Ngati Kahungunu. Nei raa a Rawiri Waru o Te Arawa.
He whanau maatua takitahi
Tokomaha ake nga tamariki Maori e tipu ake ana ki roo whare maatua kotahi, i era atu tamariki i Aotearoa nei. Koira taa te rangahau e kiia nei, ko Growing Up in New Zealand. Hei taa Ahorangi Matamuri Susan Morton, ko tetahi atu kitenga nui o te rangahau nei, tokomaha rawa nga tamariki e whangahia ana ki te inu mirumiru, a, na kona, he tokomaha rawa hoki nga tamariki momona o tenei whenua.
Nga keenge pooti
I hui te kotahi rau mangai keenge i nga rangi whakataa nei i roto o Wainuiomata, he waahine etahi. Ko takuta Lance O’Sullivan, Pirihimana Wally Haumaha me te Komihana Tamariki etahi i korero ki a ratou. Hei taa Harry Tam, kaiwhakahaere i te hui, mema o mua o te keenge Mangaru, kei te kimi huarahi nga keenge e pai ake ai te anamata mo aa ratou tamariki.
Ngaa kooiwi i Uropi
Kua powhiritia nga koiwi tuupuna rima tekau ma iwa ki Te Papa Tongarewa. I hoki mai era koiwi i nga whare pupuri taonga i Tiamani, Huiterangi me Uropi whaanui. Hei taa Pou Temara, Toihau o te Uepu Koiwi Tuupuna o Te Papa, ka noho nga kooiwi nei ki Te Papa, kia kitea ra ano, no ehea iwi ratou.
He hui nui mo ngaa keenge
He hui ma nga keenge kia kite ai ratou i tetahi ara whakamua mo ratou ko aa ratou tamariki. Koira taa Maiki Sherman no Whakaata Tuatoru, mo te hui i whakatuuria ai ki te marae o Wainuiomata i te ra horoi nei, e Harry Tam o te Keenge Mangaruu.
Ko wai ka whai hua?
Kaore nga whanau tuakoka e whai hua i te whakapikinga o te putea ki a ratou, na te mea, ka haere ke taua putea taapiri ki te hunga no ratou nei nga whare e reehia ana e aua whanau tuakoka ra. Koira taa te kaiarahi i a Mana, taa Hone Harawira.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2017, UMA Broadcasting Ltd: www.waateanews.com
RELATED NEWS
